ETAPAS DO CAMIÑO FRANCÉS
Este proxecto do IES Arcebispo Xelmírez 1, forma parte do Programa "Mirando polo Camiño", organizado pola Dirección Xeral do Patrimonio Cultural e incluido nos Plan Proxecta da Consellería de Cultura, Educación e Ordenación Universitaria. Participou nel todo o alumnado de 1º ESO e de 2º ESO. Cada grupo realizou unha ou varias experiencias relacionadas co Camiño e coa nosa cidade: Compostela.
Para iniciar o Proxecto "Mirando polo Camiño...desde Compostela" o alumnado participante, dividido en grupos e coa colaboración do Equipo da Biblioteca, documentase sobre o trazado e crea un arquivo en que se recolle a información máis importante de cada etapa. As consignas dadas aos grupos: o documento debe estar escrito na lingua falada no tramo do Camiño, conter tres imaxes representativas, indicar os fitos patrimoniais e paisaxísticos máis importantes dos lugares polos que discorre e engadir algún enlace (link) que permita afondar na procura de información.
VÍA COMPOSTELÁCTEA
O alumnado de Plástica, dirixido pola profesora Carme Mirabal, realiza sobre pranchas de poliuretano versións da Vía Láctea nas que engadimos a información das etapas do Camiño francés (a esa información accédese a través dos enlaces que están arriba, nesta páxina). Desta maneira, colgada do teito a composición, vindicase a unión histórica entre o "camiño de estrelas" e o Camiño que ten como meta o Campo da Estrela (Campus Stellae).
